ब्रोकर लाईसेन्सको लागि आवेदन दिन अब २ दिन बाँकि, हालसम्म ३२ कम्पनीले दिए सिफारिस (सूचीसहित)

नयाँ ब्रोकरको लाईसेन्सको लागि आवेदन दिने समय २ दिन मात्र बाँकि हुँदा हालसम्म ३२ कम्पनीले आवेदन दिएका छन् ।नेपाल स्टक एक्सचेन्ज नेप्सेबाट ३२ कम्पनीले ब्रोकर कम्पनीको लाईसेन्सको लागि सिफारिस लिएका हुन् ।

सिफारिस लिएका जति सबै कम्पनीले भने नेपाल धितोपत्र बोर्डमा आवेदन दिइसकेका छैनन् । कतिपयले नेप्सेबाट शुक्रबार सिफारिस लिएकोले उनीहरु बोर्डमा आवेदन दिन जान बाँकि नै छ । आवेदन दिन २ दिन मात्र रहंदा अब आज र भोली सिफारिस लिनेको संख्या बढ्न सक्ने देखिन्छ। ब्रोकर लाईसेन्सको लागि आवेदन दिंदा नेप्सेको सिफारिस चाहिने ब्यबस्था ऐनमा रहेकोले नेप्सेले सिफारिस माग गरेका सबै कम्पनीलाई लाईसेन्सको लागि सिफारिस गर्ने निर्णय गरिसकेको छ ।

नेपाल धितोपत्र बोर्ड प्रवक्ता रुपेश केसीले आवेदन दिन आउँदा नेप्सेको सिफारिस पत्र पनि आवश्यक पर्ने बताए । आवश्यक कागजात मध्ये एउटा कागजात नेप्सेको सिफारिस पत्र पनि रहेको उनले उल्लेख गरेका हुन्  । 

बोर्डले असोज २ गते ब्रोकर लाइसेन्सको लागि आवेदन खुलाएको हो । बोर्डले योग्य तथा इच्छुक कम्पनीलाई ३० दिन भित्र आवेदन दिन आग्रह गरेको छ । बोर्डले नयाँ ब्रोकर लाईसेन्स खुलाउन धितोपत्र व्यवसायी (धितोपत्र दलाल तथा धितोपत्र व्यवसायी) नियमावली २०६४ मा पनि संशोधन गरेको थियो ।

संशोधन अनुसार नियमावली लागु भएपछि लगत्तै र त्यसपछि हरेक ३ वर्षमा अध्ययन गरेर ब्रोकर लाइसेन्स खुलाउने उल्लेख छ । त्यस्तै संशोधित ब्यबस्थाले ३ तहको ब्रोकरको ब्यबस्था गर्दै चुक्ता पुँजी पनि बढाएको छ । यद्यपि हाल भईरहेका ब्रोकरले भने २०८२ असार मसान्तसम्म बोर्डले तोकेको चुक्ता पुँजी पुर्याउन सक्ने छन् । 

यी हुन् हालसम्म  आवेदन दिने ३२ कम्पनी : 

1. भोले गणेश सेक्युरिटिज लिमिटेड,
2. क्यापिटल म्याक्स सेक्युरिटिज प्रालि,
3. कलश सेक्युरिटिज,
4. हिमालयन ब्रोकरेज कम्पनी,
5. एनएमबी सेक्युरिटिज लिमिटेड,
6. केबीएल सेक्युरिटिज लिमिटेड,
7. प्रोपर्टी बिजार्ड लिमिटेड,  
8. सेयरप्रो सेक्युरिटिज लिमिटेड,
9. माछापुच्छ्रे सेक्युरिटिज प्रालि,
10. एनआईसी एसिया सेक्युरिटिज लिमिटेड,
11. सन सेक्युरिटिज प्रालि,
12. पाही इन्भेस्टमेन्ट लिमिटेड,
13. मियो सेक्युरिटिज प्रालि,
14. मेगा स्टक ब्रोकर लिमिटेड,
15. एलिट स्टक हाउस,
16. इन्फिनिटी सेक्युरिटिज लिमिटेड,
17. इन्डेक्स सेक्युरिटिज लिमिटेड,
18. जेबीएनएल सेक्युरिटिज लिमिटेड,
19. प्रभु स्टक मार्केट क्यापिटल लिमिटेड,
20. आरबीबी सेक्युरिटिज कम्पनी लिमिटेड,
21. एसपीएसबी सेक्युरिटिज लिमिटेड,
22. नबिल सेक्युरिटिज लिमिटेड,
23. शुभकामना सेक्युरिटिज प्रालि,
24. ट्रेडमो सेक्युरिटिज प्रालि,
25. सानिमा सेक्युरिटिज लिमिटेड,
26. आकाशभैरव सेक्युरिटिज लिमिटेड,
27. हिमालयन सेक्युरिटिज लिमिटेड,
28. क्यापिटल हब प्राली,
29. गरिमा सेक्युरिटिज लिमिटेड,
30. स्टक्सकाट्र्स सेक्युरिटिज लिमिटेड,
31. हातेमालो फानान्सियल सर्भिसेज प्रालि
32. सीबीआईएल सेक्युरिटिज

यो पनि : ब्रोकर, स्टक, र लघुबीमाको लाईसेन्स किन नरोक्ने भन्दै निर्वाचन आयोगले सरकारलाई सोध्यो स्पष्टिकरण