कुमारी क्यापिटलले चौथो म्युचुअल फण्ड संचालन गर्ने भएको छ । क्यापिटलले कुमारी सामुहिक लगानी कोष अन्तर्गत संचालन हुने गरि कुमारी सबल योजना नामक फण्ड संचालन गर्नको लागि अनुमति माग गर्दै नेपाल धितोपत्र बोर्डमा आवेदन दिएको हो ।
कम्पनीले भदौ २९ गते बोर्डमा आवेदन दिएको हो । कम्पनीले कुमारी सबल योजनाको प्रति इकाई १० रुपैयाँको दरले १ अर्ब बराबरको १० करोड इकाई निष्काशन गर्न लागेको हो । यो बन्दमुखी योजना हो ।
कम्पनीले हाल कुमारी इक्विटी फण्ड र कुमारी धनवृद्धि योजना संचालन गरिरहेको छ । त्यस्तै खुलामुखी प्रकृतिको कुमारी सुनौलो लगानी योजना नामक योजना संचालन अनुमतिको लागि गत भदौमा बोर्डमा आवेदन दिएको छ । उक्त योजनाको अनुमति पाउने चरणमा रहेको क्यापिटलले जनाएको छ ।
