माछापुच्छ्रे बैंकले चालु आर्थिक वर्ष २०७९/०८० को असोज मसान्तसम्म (पहिलो त्रैमास)को वित्तीय विवरण सार्वजनिक गरेको छ । वित्तीय विवरण अनुसार बैंकको खुद नाफा १९.६५ प्रतिशतले घटेर ४५ करोड ११ लाख रुपैयाँमा झरेको छ ।
गत आर्थिक वर्षको पहिलो त्रैमासमा बैंकले ५६ करोड १५ लाख रुपैयाँ खुद नाफा आर्जन गरेको थियो ।
चालु वर्षको प्रथम त्रैमासमा बैंकको वितरणयोग्य नाफामा भने ५.८८ प्रतिशतले बढेर १ अर्ब ५४ करोड रुपैयाँ भएको छ ।
गत वर्ष बैंकको वितरणयोग्य नाफा १ अर्ब ४५ करोड रुपैयाँ रहेको थियो । असोज मसान्तसम्म आइपुग्दा बैंकको खुद ब्याज आम्दानी १५.८९ प्रतिशतले बढेको छ भने सञ्चालन नाफामा २०.०१ प्रतिशतले कमी आएको छ ।
बैंकको प्रतिसेयर आम्दानी ४.३१ रुपैयाँले घटेर १७.५९ रुपैयाँमा झरेको छ ।
