आज मंगलबार शेयर बजारमा उछाल आएको छ। आज नेप्से सूचक ५६.११ अंकले बढेर १९३०.९९ को बिन्दुमा पुगेको छ।
आज कारोबारमा आएका २३१ कम्पनीका ३९ लाख ७१ हजार ५ सय ९४ कित्ता शेयर खरिद बिक्रिबाट १ अर्ब २९ करोड ६ लाख ६४ हजार ६ सय ४१ रुपैयाँ ८० पैसाको कारोबार भएको छ। जस मध्ये एनआईसी एसिया बैंकको सर्वाधिक ६ करोड ६५ लाख तथा नबिल बैंकको ५ करोड ९२ लाखको कारोबार भएको छ । त्यस्तै शिवम सिमेन्टको ५ करोड १७ लाख, रिडी हाइड्रोको ५ करोड, तथा एभरेष्ट बैंकको ४ करोड ६८ लाखको कारोबार भएको छ ।
आज न्यादी हाइड्रोको शेयर मूल्य सर्वाधिक १० प्रतिशत बढेको छ भने युनिभर्सल हादिरोको शेयर मूल्य ९ प्रतिशत, युनियन हाइड्रोको शेयर मूल्य ८.८२ प्रतिशत, माउन्टेन हाइड्रोको शेयर मूल्य ८.७७ प्रतिशत तथा दिब्यश्वरी हाइड्रोको शेयर मूल्य ८.६८ प्रतिशतले बढेको छ । आज सर्वाधिक गुमाउनेमा ऋणपत्र तथा म्युचुअल फण्डहरु रहेका छन् ।
आज कारोबारमा आएका सबै समुहगत सूचक बढेका छन् । जस मध्ये फाइनान्स समुह सर्वाधिक ५.४ प्रतिशतले बढेको छ भने अन्य समुह ५.२८ प्रतिशतले बढेको छ । त्यस्तै ट्रेडिङ समुह ४.५६ प्रतिशत, हाइड्रो समुह ४.३७ प्रतिशत, इन्भेष्टमेन्ट समुह ४.१७ प्रतिशत, तथा विकास बैंक समुह ३.९५ प्रतिशतले बढेको छ ।
आज कारोबारमा आएका मध्ये १८१ कम्पनीको मूल्य बढेको छ भने ३ कम्पनीको मात्र मूल्य घटेको छ ।
।