नेपाल स्टक एक्सचेन्ज नेप्सेमा एनएमबि क्यापिटलले निष्काशन गरेको सामुहिक लगानी कोष योजना 'एनएमबि सुलभ इन्भेष्टमेन्ट फण्ड २ ' को इकाई सुचिकृत भएको छ । आज उक्त योजनाको १२ करोड २१ लाख इकाई सुचिकृत भएको हो ।
इकैई सुचिकृत भएसँगै बिहिबारबाट इकाईको कारोबार हुने छ । क्यापिटलले साउन २६ गतेदेखि भदौ ९ गतेसम्म एमएमबि म्युचुअल फण्ड अन्तर्गत संचालन हुने एनएमबि सुलभ इन्भेष्टमेन्ट फण्ड २ को इकाई निष्काशन गरेको थियो।
क्यापिटलले योजनाको इकाई निष्काशन गर्नको लागि साउन ५ गते नेपाल धितोपत्र बोर्डबाट अनुमति पाएको थियो । यो बन्दमुखी म्युचुअल फण्ड योजना हो ।
हाल क्यापिटलले ३ वटा म्युचुअल फण्ड योजना संचालन गरिरहेको छ। क्यापिटलले बन्दमुखी तर्फ एनएमबि हाइब्रिड फण्ड एल १ , र एनएमबि ५० योजना संचालन गरिरहेको छ भने खुलामुखी तर्फ एनएमबी सरल बचत फण्ड ई संचालन गरिरहेको छ ।
