सिक्लेस हाइड्रोपावर लिमिटेडले बिओके क्यापिटललाई शेयर रजिष्ट्रार नियुक्त गरेको छ । यससँगै अब सिक्लेस हाइड्रोको धितोपत्र कारोबार सम्बन्धी अभिलेख राख्ने, शेयर दाखिल खारेज गर्ने, नामसारी गर्ने र शेयरधनिहरुको लगत अद्यावधिक गरी राख्ने सम्बन्धी सम्पूर्ण कार्यहरु बिओके क्यापिटलले गर्ने छ।
सिक्लेस हाइड्रोले भदौ २९ गतेदेखि असोज २ गतेसम्म सर्वसाधारणलाई आईपिओ निष्काशन गरेको थियो । त्यस्तै आयोजना प्रभावित स्थानीयलाई साउन ६ गतेदेखि भदौ ५ गतेसम्म आईपिओ निष्काशन गरेको थियो। कम्पनीले आयोजना प्रभावित स्थानीय र सर्बसाधारणलाई गरि २० करोड बराबरको २० लाख कित्ता आईपीओ निष्काशन गरेको हो। ति शेयर नेपाल स्टक एक्सचेन्ज नेप्सेमा सुचिकृत भएपछि कारोबारमा आउने छन् ।
कम्पनीले कास्कीको मादी गाउँपालिकाको मद्क्यु खोलामा १३ मेगावाटको आयोजना निर्माणसम्पन्न गरि २०७४ साल चैत्र २९ गतेदेखि विद्युत उत्पादन गरिरहेको छ ।