चालु आर्थिक वर्षको पहिलो त्रैमासमा नागरिक लगानी कोषको खुद नाफा १७.९९ प्रतिशतले बढेको छ । कम्पनीले सार्वजनिक गरेको आर्थिक वर्ष ७९/८० को पहिलो त्रैमासको वित्तीय विवरण अनुसार यस अवधिमा कम्पनीले २३ करोड २७ लाख खुद मुनाफा कमाएको छ । अघिल्लो आर्थिक वर्षको सोहि अवधिमा कम्पनीको खुद नाफा १९ करोड ७२ लाख थियो ।
यस अवधिमा कम्पनीको ब्याज आम्दानी ७३.४१ प्रतिशतले बढेर १० करोड १२ लाख पुगेको छ । गत आर्थिक वर्षको मुनाफाबाट ३० प्रतिशत बोनस शेयर दिएपछि कम्पनीको चुक्ता पुँजी ४ अर्ब २५ करोड पुगेको छ । कम्पनीको शेयर प्रिमियम भने ७७.५६ प्रतिशतले घटेर २८ करोड ३८ लाखमा सिमित भएको छ ।
यस अवधिमा कम्पनीको प्रति शेयर आम्दानी २ रुपैयाँ २३ पैसाले घटेर २१ रुपैयाँ ९० पैसा कायम भएको छ । कम्पनीको प्रति शेयर नेटवर्थ भने ३६.९१ रुपैयाँले बढेर १८९.०५ रुपैयाँ कायम भएको छ ।