आईएमई लाइफ इन्स्योरेन्सले निष्काशन गरिरहेको हकप्रदमा आवेदन दिने म्याद थप भएको छ । कम्पनीले कार्तिक १ गतेदेखि मङ्सिर ५ गतेसम्ममा हकप्रद वापतको रकम जम्मा गर्न आग्रह गरेको थियो । सो अवधि भित्र सबैले रकम जम्मा नगरेपछि कम्पनीले म्याद थप गर्दै मङ्सिर २० गतेसम्म हकप्रदको लागि रकम जम्मा गर्न आग्रह गरेको हो ।
कम्पनीले शतप्रतिशत हकप्रद निष्काशन गरेको हो। कम्पनीले साविकका शेयरधनीलाई कम्पनीले तोकेको बैंक खातामा बुझाउन आग्रह गरेको छ । शेयर लगानी फारम कम्पनीको वेबसाइटमा रहेको कम्पनीले उल्लेख गरेको छ ।
कम्पनीको असोज २६ गते सम्पन्न साधारणसभाले शतप्रतिशत हकप्रद निष्काशन गर्ने प्रस्ताव पारित गरेको थियो । कम्पनीको असोज ३१ गते बसेको संचालक समितिको बैठकले थप पुँजी माग गर्ने निर्णय गरेको हो ।
कम्पनीले आईपिओ निष्काशन अगावै शतप्रतिशत हकप्रद निष्काशन गर्न लागेको हो । बीमा समितिले तोकेको चुक्ता पुँजी पुर्याउनको लागि कम्पनीले संस्थापक शेयरधनीको लागि शतप्रतिशत हकप्रद निष्काशन गर्न लागेको हो ।
