अजोड इन्स्योरेन्सको विशेष साधारणसभा सम्पन्न, मर्जर प्रक्रिया अगाडी बढाउने प्रस्ताव पारित

बिजपाटी संवाददाता

बिजपाटी संवाददाता

Nov 27, 2022 | 11:03:36 AM मा प्रकाशित

laxmi bank

अजोड इन्स्योरेन्सको विशेष साधारणसभा सम्पन्न भएको छ । कम्पनीको विशेष साधारणसभाले मर्जर सम्बन्धि प्रस्ताव पारित गरेको छ । 

 यस्ता छन् कम्पनीको विशेष साधारणसभाले पारित गरेका प्रस्तावहरु : 

१. नियमनकारी निकायको निर्देशन तथा समयानुकुल पूँजी बृद्धिको आवश्यकतालाई दृष्टिगत गरी अन्य कुनै निर्जीवन बीमा कम्पनीसँग एक आपसमा गाभ्न/गाभिन तथा प्राप्ति गर्ने प्रयोजनका लागि उपयुक्त नीर्जीवन बीमा कम्पनीको पहिचान तथा छनोट गर्ने एवं संचालक समिति समक्ष सोको जानकारी तथा सिफारिस गर्ने कार्यको लागि मिति २०७९–०२–२५ गते बसेको संचालक समितिको १०५ औ बैठकबाट गाभ्नगाभिन तथा प्राप्ति गर्ने सम्बन्धी उपसमिति गठन गर्ने र सोको स्वीकृतिका लागि श्री बीमा समिति (हाल श्री नेपाल बीमा प्राधिकरण) मा पेश गर्ने निर्णय गरी श्री बीमा समिति (हाल श्री नेपाल बीमा प्राधिकरण) मा पेश भएकोमा समितिबाट मर्जर अध्ययन कमिटीको स्वीकृति प्राप्त भएको हुँदा उक्त मर्जर अध्ययन कमिटी गठन गर्ने बारेको निर्णय अनुमोदन गर्ने निर्णय ।

२. एक आपसमा गाभ्न/गाभिन तथा प्राप्ति गर्ने प्रयोजनका लागि कम्पनीको सम्पत्ति तथा दायित्वको मूल्याङ्कन गर्न परामर्शदाता, मूल्याङ्कनकर्ता तथा लेखापरिक्षकहरु नियुक्त गर्ने सिलसिलामा कम्पनीको सम्पत्ति तथा दायित्वको मूल्याङ्कन कार्य गर्न, आवश्यकता अनुसार बीमाङ्कीय मूल्याङ्कनका लागि परामर्शदाता, मूल्याङ्कनकर्ता लगायत कानूनी परामर्शदाता र अन्य विज्ञ नियुक्त गर्ने, निजहरुको पारिश्रमिक तोक्न तथा कम्पनी एक आपसमा गाभ्न–गाभिनसंग सम्बन्धित प्रचलित नियम, कानून तथा निर्देशनहरु बमोजिम अपनाउनु पर्ने तथा गर्नुपर्ने सम्पूर्ण आवश्यक कार्य एवं प्रक्रियाहरु पुरा गरी अख्तियार प्राप्त निकायबाट स्वीकृति लिने तथा सो सन्दर्भमा नियामक निकायले निर्देशन गरे बमोजिम विवरणहरु उपलब्ध गराउने लगायतका कम्पनी गाभ्न/गाभिने सम्बन्धी अन्य आवश्यक कार्य गर्न गराउन संचालक समितिलाई पूर्ण अख्तियारी प्रदान गर्ने निर्णय ।

३. कम्पनीमा संस्थापक समुह तथा सर्वसाधारण समूहको शेयर स्वामित्व संरचना क्रमश ७०ः३० को अनुपातमा रहेकोमा संस्थापक समुहको १९ प्रतिशत शेयर सर्वसाधारण शेयरमा परिवर्तन गरि कम्पनीको शेयर स्वामित्व संरचना ५१ः४९ प्रतिशतको अनुपात कायम गर्ने निर्णय ।

४. उपरोक्त प्रस्ताव नं. ३ को व्यवस्था समेत समावेश गरि सम्बन्धित नियमक निकायबाट स्वीकृति पश्चात कम्पनीको प्रबन्धपत्र संशोधन गर्ने निर्णय।

५. उपरोक्त प्रस्तावहरुको सम्बन्धमा सम्वन्धीत निकायबाट कुनै संशोधन वा फेरबदल वा परिमार्जन वा थपघट गर्न निर्देशन वा सुझाव दिएमा सोहि बमोजिम गर्न गराउन तथा अभिलेख गर्दा गराउदा केहि हेरफेर गर्न संशोधन सम्बन्धी कागजात प्रमाणीत गर्न, दाखिल खारेज गर्न र सम्बन्धीत निकायबाट अभिलेख गराई लिन समेत संचालक समितिलाई अख्तियार दिने निर्णय ।


Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved