मर्जर प्रक्रियामा रहेका ग्लोबल आईएमई बैंक र बैंक अफ काठमाण्डूको साधारणसभा आज

बिजपाटी संवाददाता

बिजपाटी संवाददाता

Dec 09, 2022 | 09:32:15 AM मा प्रकाशित

laxmi  sunrise bank

मर्जर प्रक्रियामा रहेका ग्लोबल आईएमई बैंक र बैंक अफ काठमाण्डुको साधारणसभा आज मङ्सिर २३ गते हुँदै छ । ग्लोबल आईएमई बैंकले गैरीधारा स्थित सिल्भर ओक ब्यांक्वेटमा सभा आह्वान गरेको छ भने बैंक अफ काठमाण्डुले आर्मी अफिसर्स क्लबमा सभा आह्वान गरेको छ

दुवै बैंकको साधारणसभामा लाभांश पारित गर्ने, वित्तीय प्रतिवेदन पारित गर्ने, तथा  मर्जर सम्बन्धि प्रस्तावहरु पेश हुने छन्। 

हेर्नुस् कुन बैंकको के छन् प्रस्ताव ?

ग्लोबल आईएमई बैंकको सभामा पेश हुने प्रस्तावहरु:

क) सामान्य प्रस्ताबहरुः

१. संचालक समितिको तर्फवाट अध्यक्षज्यूले प्रस्तुत गर्नु हुने वार्षिक प्रतिवेदन पारित गर्ने ।

२. लेखापरीक्षकको प्रतिवेदन सहितको आ.व.२०७८/०७९ को वासलात, नाफा नोक्सान हिसाव र नगद प्रवाह विवरण लगायत वित्तीय विवरण स्वीकृत गर्ने ।

३. यस बैंकको सहायक कम्पनी ग्लोबल आइएमई क्यापीटल लि., ग्लोबल आइएमई लघुवित्त वित्तीय संस्था लिमिटेड र जेविएनएल सेक्युरिटिज लिमिटेडको आ.व. २०७८/०७९ को वित्तीय विवरण सहितको एकीकृत (Consolidated) वित्तीय विवरण स्वीकृत गर्ने ।

४. संचालक समितिले प्रस्ताव गरे बमोजिम आ.व. २०७८/०७९ को मुनाफा समेतबाट चुक्ता पूँजीको १०.६ प्रतिशत नगद लाभांस स्वीकृत गर्ने ।

५) कम्पनी ऐन, २०६३ को दफा १११ बमोजिम आ.व.२०७९/०८० को लेखापरीक्षण कार्यको लागि लेखापरीक्षक नियुक्ती गर्ने र निजको पारिश्रमिक निर्धारण गर्ने ।


ख) विशेष प्रस्तावहरुः
१. बैकको अधिकृत पूंजी रु. २५ अर्बलाई बृद्धि गरी रु.५० अर्ब कायम गर्ने सम्बन्धमा ।

२. संचालक समितिले प्रस्ताव गरे बमोजिम आ.व.२०७८/०७९ को मुनाफा समेतबाट चुक्ता पूँजीको ३ प्रतिशत बोनश शेयर स्वीकृत गर्ने र सोही हद सम्म जारी पूँजी तथा चुक्ता पूँजी बृद्धि गर्ने विशेष प्रस्ताव स्वीकृत गर्ने।

३. बैंकको प्रबन्ध पत्र तथा नियमावलीमा संशोधन गर्ने सम्बन्धी विशेष प्रस्ताव पारित गर्ने तथा उक्त संशोधनमा नेपाल राष्ट्र बैंक वा अन्य नियमनकारी निकायले फेरबदल गरेमा आवश्यक संशोधन तथा परिमार्जन गर्न संचालक समितिलाई अख्तियारी दिन स्वीकृत गर्ने।

४. ग्लोबल आइएमई बैंक लिमिटेड र बैंक अफ काठमाण्डू लिमिटेड गाभ्ने/गाभिने (मर्जर) सम्बन्धमा संचालक समितिको तर्फबाट प्रस्तुत प्रतिवेदन उपर छलफल गरी पारित गर्ने ।

५. ग्लोबल आइएमई बैंक लिमिटेड र बैक अफ काठमाण्डू लिमिटेड गाभ्ने/ गाभिने (मर्जर) प्रयोजनका लागि मुल्याइन कर्ताबाट प्राप्त चल / अचल सम्पत्ति दायित्व तथा कारोबारको मुल्याइन प्रतिवेदन (Due Diligence Audit DDA) आधारमा निर्धारण गरिएको शेयर स्वाप अनुपात १:१ (Share swap Ratio, 1:1) स्वीकृत गर्ने ।

६. ग्लोबल आइएमई बैंक लिमिटेड र बैंक अफ काठमाण्डू लिमिटेड गाभ्ने गाभिने (मर्जर) सम्बन्धी सम्झौतापत्र स्वीकृत गर्ने तथा मर्जर सम्बन्धी अन्य प्रकृया पुरा भएको हुँदा बैंक अफ काठमाण्डू लिमिटेड यस बैंकमा गाभ्न/गाभिन अन्तिम स्वीकृति प्रदान गर्ने ।

७. बैंक अफ काठमाण्डु लिमिटेड यस बैकमा गाभिए पछि मर्जर सम्बन्धी सम्झौता पत्र अनुसार बैंकको जारी तथा चुक्ता पूँजी वृद्धि हुने हुँदा सो बमोजिम हुने गरी प्रबन्धपत्र तथा नियमावलीमा आवश्यक संशोधन गर्न, हेरफेर गर्न र उपयुक्त व्यवस्था गर्न संचालक समितिलाई अख्तियारी दिने सम्बन्धी प्रस्ताव
पारित गर्ने ।

८. ग्लोबल आइएमई बैंक लिमिटेडमा बैंक अफ काठमाण्डू लिमिटेड गाभिए पछि नियमनकारी निकाय वा कार्यालयबाट कुनै विषयमा थप संशोधन गर्न कुनै निर्देशन दिएमा सो समेत मिलाई संशोधन गर्न तथा मर्जर सम्बन्धमा गर्नु पर्ने अन्य सम्पूर्ण कार्यहरु गर्न संचालक समितिलाई पूर्ण अख्तियारी प्रदान गर्ने ।


बिओकेको साधारणसभामा पेश हुने प्रस्ताव:

सामान्य प्रस्ताव

१. अध्यक्षज्यूको मन्तव्य तथा संचालक समितिको प्रतिवेदन आ.व. २०७८/७९ छलफल गरी पारित गर्ने ।

२. लेखापरीक्षकको प्रतिवेदन सहितको आ. व. २०७८/७९ को वार्षिक आर्थिक विवरण (आषाढ मसान्त २०७९ को वासलात, आ. व. २०७८/७९ को नाफा-नोक्सान हिसाव र सोही अवधिको नगदप्रवाह विवरण, नाफा-नोक्सान बाँडफाँड हिसाब लगायत वार्षिक आर्थिक विवरणसँग सम्बद्ध अनुसूचीहरू)
उपर छलफल गरी पारित गर्ने ।

३. यस बैंकको सहायक कम्पनी 'बि.ओ.के. क्यापिटल मार्केट लि. को आ. व. २०७८/७९ को वित्तीय विवरण सहितको एकीकृत (Consolidated) वित्तीय विवरण स्वीकृत गर्ने ।

४. संचालक समितिले प्रस्ताव गरे अनुरूप बैंकको चुक्ता पूँजीको १४.९५ प्रतिशतका दरले नगद लाभांश रू. १,५८,८२,८७,११३/७६ (बोनस शेयर तथा नगद लाभांशमा लाग्ने कर समेत) वितरण गर्न स्वीकृत प्रदान गर्ने ।

५. लेखापरीक्षण समितिको सिफारिस अनुरूप बैंकको आर्थिक वर्ष २०७९/८० को लेखापरीक्षण गर्नका लागि बाह्य लेखापरीक्षक नियुक्त गर्ने र निजको पारिश्रमिक निर्धारण गर्ने ।

विशेष प्रस्ताव

१. संचालक समितिले प्रस्ताव गरे अनुरूप लाभांश वापत बैंकको चुक्ता पूँजीको ६ प्रतिशतका दरले हुने रू.६३,७४,३९,६४४/३२ बराबरको बोनस शेयर वितरण गर्न स्वीकृत प्रदान गर्ने । उक्त बोनस शेयर जारी गर्दा हुन आउने खण्डित शेयरलाई पहिलेको खण्डित शेयरसंग समायोजन गरी बाँकी हुन
आउने खण्डित शेयरलाई पछि समायोजन गर्ने गरी यथावत राख्ने ।

२. प्रबन्धपत्र संशोधन सम्बन्धी विशेष प्रस्ताव पारित गर्ने ।

(क) प्रस्तावित बोनस शेयर जारी भएपश्चात् बैंकको पूँजी वृद्धि हुने भएकोले सोही बमोजिम प्रबन्धपत्रको दफा ५ (क) ५ (ख) र ५ (ग) संशोधन गर्ने प्रस्ताव पारित गर्ने ।

३. बैंक अफ काठमाण्डू लिमिटेड र ग्लोबल आइएमई बैंक लिमिटेड एक आपसमा गाभ्ने तथा गाभिने प्रयोजनका लागि सम्पत्ती, दायित्व तथा कारोवारको मुल्याङ्कन (Due Diligence Audit) गरी मुल्याङ्कनकर्ताले सिफारिस गरेको शेयर स्वाप अनुपात (Share Swap Ratio) तथा मर्जर सम्बन्धी विषयमा संचालक समितिबाट भएका निर्णयहरू स्वीकृत गर्ने ।

४. बैंक अफ काठमाण्डू लिमिटेड र ग्लोबल आइएमई बैंक लिमिटेड बिच सम्पन्न संस्था गाभ्ने/गाभिने (मर्जर) सम्बन्धी अन्तिम सम्झौता-पत्र (स्कीम अफ एरेञ्जमेन्ट) स्वीकृत गर्ने । साथै मर्जर सम्बन्धी अन्य आवश्यक प्रकृयाहरू समेत पुरा गरी ग्लोबल आइएमई बैंक लिमिटेडसँग मर्जरको लागि अन्तिम स्वीकृती प्रदान गर्ने ।

५. मर्जर लगायत अन्य विशेष प्रस्तावाहरूको हकमा नेपाल राष्ट्र बैंक वा अन्य नियमन निकायहरूबाट कुनै विषयमा थपघट वा संशोधन गर्न निर्देशन भएमा सोही अनुरूप आवश्यक संशोधन र परिमार्जन गर्न तथा मर्जरको सम्बन्धमा गरीएको सम्झौता अनुरूप गर्नुपर्ने अन्य सम्पूर्ण काम कार्यहरूको लागि संचालक समितिलाई पूर्ण अख्तियारी प्रदान गर्ने ।

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved