विशाल ग्रुपले हकप्रद मार्फत पुँजी वृद्धि गर्ने भएको छ । हाल ५० करोड करोड चुक्ता पुँजी रहेको विशाल ग्रुपले ८२ प्रतिशतका दरले हुन आउने ४१ करोड बराबरको हकप्रद निष्काशन गर्ने प्रस्ताव सहित साधारणसभा आह्वान गरेको छ ।
कम्पनीले ८२ प्रतिशतले हुन आउने ४१ लाख कित्ता हकप्रद शेयर निष्काशन गर्ने प्रस्ताव सहित साधारणसभा आह्वान गरेको हो । कम्पनीले पुस १४ गते थापाथली स्थित आफ्नै कार्यालयमा सभा आह्वान गरेको हो ।
सभामा संचालक समितिको तर्फबाट अध्यक्षले प्रस्तुत गर्ने कार्य प्रगति तथा वार्षिक प्रतिवेदन उपर छलफल गरि पारित गर्ने, आर्थिक वर्ष २०७८ / ०७९ को लेखा परिक्षण प्रतिवेदन सहितको वासलातलाई पारित गर्ने, चालु आर्थिक वर्ष २०७९ / ०८० को लागि लेखा परिक्षक नियुक्ति तथा पारिश्रमिक तोक्ने प्रस्ताव पेश हुने छन् ।
त्यस्तै संचालक समितिले सिफारिस गरे बमोजिम कम्पनीको साविक चुक्ता पूँजीको ८२% का दरले हुने ४१,००,००० थान शेयर बराबरको हकप्रद शेयर जारी गर्ने सम्बन्धी विशेष प्रस्ताव पारित गर्ने, संचालक समितिले सिफारिस गरे बमोजिम हकप्रद शेयर जारी पश्चात कम्पनीको साविक प्रबन्धपत्रको दफा ६ को उपदफा (क), (ख), (ग), (घ) र (ङ) मा संशोधन तथा थप गर्ने सम्बन्धी विशेष प्रस्ताव पारित गर्ने प्रस्ताव पेश हुने छन् ।
विशाल ग्रुपको बैंक वित्तीय संस्था, बीमा, कृषि, अटोमोबाइल्स, शिक्षा, उत्पादन, हस्पिटालिटि लगायतका क्षेत्रमा लगानी रहेको छ । ग्रुपको एनआईसी एसिया बैंक, निफ्रा, एलआईसी नेपाल लाइफ इन्स्योरेन्स, प्रुडेन्शियल इन्स्योरेन्समा लगानी छ ।
।