स्ट्याण्डर्ड चार्टर्ड बैंकले निष्काशन गरेको ऋणपत्रमा आवेदन दिने आज फागुन ८ गते अन्तिम दिन रहेको छ । बैंकले माघ २६ गतेदेखि ऋणपत्र बिक्री खुला गरेको हो।
बैंकले २ अर्ब ४० करोड रुपैयाँ बराबरको १ हजार अंकित दरका २४ लाख कित्ता ऋणपत्र निष्काशन गरेको हो । २४ लाख कित्ता मध्ये १४ लाख ४० हजार कित्ता निजि तबरबाट बिक्रि गरिने र बाँकि ९ लाख ६० हजार कित्ता आम सर्बसाधारण तथा सामुहिक लगानी कोषहरुको लागि निष्काशन भएको हो । जस अनुसार सामुहिक लगानी कोषलाई ४८ हजार कित्ता छुट्याएर बाँकि रहेको ९ लाख १२ हजार कित्ताको लागि सर्बसाधारणले आवेदन दिन सक्ने छन् । आवेदन दिंदा न्युनतम २५ कित्ता र अधिकतम १ लाख कित्ताको लागि आवेदन दिन सकिने छ ।
५ वर्षे अवधिको यस ऋणपत्रमा बैंकले वार्षिक १०.३० प्रतिशत ब्याज प्रदान गर्ने छ । बैंकले ऋणपत्र निष्काशनको लागि एनआईबिएल एस क्यापिटललाई बिक्रि प्रबन्धक चयन गरेको छ ।
