.gif)
कुमारी क्यापिटलले निष्काशन गरेको खुलामुखी सामुहिक लगानी कोष योजनाको इकाईमा आवेदन दिने म्याद थप भएको छ । म्याद थप सँगै यस निष्काशनमा चैत्र २३ गतेसम्म आवेदन दिन सकिने छ । यद्यपि सो मिति अगावै पर्याप्त आवेदन परेमा सो गावी नै सूचना जारी गरेर बिक्रि बन्द गरिने क्यापिटलले जनाएको छ ।
क्यापिटलले चैत्र ९ गतेदेखि आफ्नो खुलामुखी सामुहिक लगानी कोष योजनाको इकाई बिक्री खुला गरेको हो । क्यापिटलले कुमारी सामुहिक लगानी कोष अन्तर्गत संचालन हुने 'कुमारी सुनौलो योजना' नामक खुलामुखी योजनाको इकाई निष्काशन गरेको हो ।
यस योजनाको आकार १ अर्ब रहेको छ । यस योजना अन्तर्गत १० रुपैयाँ अंकित दरका १० करोड इकाई निष्काशन हुने छ । जस मध्ये १ करोड ५० लाख इकाई कोष प्रवर्द्धक संस्था कुमारी बैंक लिमिटेड लाई सुरक्षित गरिएको छ । क्यापिटलका अनुसार प्रथम पटक सार्वजनिक निष्काशन मार्फत ३५ करोड रकम बराबरको ३ करोड ५० लाख इकाई सार्वजनिक रुपमा निष्काशन गरिने छ । यस पश्चात् सामूहिक लगानी कोष नियमावलीको व्यवस्था बमोजिम योजनाको इकाई योजना व्यवस्थापकले तोकेको वितरक मार्फत निरन्तर खरिद बिक्रीको लागि खुल्ला गरिने र विवरण पुस्तिकामा स्वीकृत भएभन्दा थप इकाई बिक्री गर्नु परेमा बोर्डको पुर्व स्वीकृति लिएर बिक्री गरिने क्यापिटलले उल्लेख गरेको छ ।
आवेदन दिंदा न्युनतम १०० इकाई र अधिकतम ५० लाख इकाईको लागि आवेदन दिने सकिने छ । यो खुलामुखी योजना भएकोले यो नेपाल स्टक एक्सचेन्ज नेप्सेमा सुचिकृत हुने छैन र यसको निश्चित अवधि पनि हुँदैन ।
सातौ खुलामुखी योजना
कुमारीले संचालन गर्ने कुमारी सुनौलो योजना बजारमा आउने सातौ खुलामुखी योजना हुने छ । हाल एनआईबिएल एस क्यापिटल, सिद्धार्थ क्यापिटल, एनआईसी एसिया क्यापिटल , एनएमबि क्यापिटल , लक्ष्मी क्यापिटल र नबिल इन्भेष्टमेन्ट बैंकिङले खुलामुखी योजना संचालन गरिरहेका छन् । ६ वटा खुलामुखी योजना आईसकेकोले कुमारीको खुलामुखी योजना नेपालबजारमा आउने सातौ खुलामुखी योजना हुने छ ।
प्रभु क्यापिटलले पनि धितोपत्र बोर्डमा खुलामुखी योजना निष्काशनको लागि अनुमति माग गर्दै बोर्डमा आवेदन दिएको छ । अनुमति पाएपछि प्रभुको खुलामुखी फण्ड आठौ हुने छ ।
