आँखुखोला जलविद्युत कम्पनीले हकप्रद निष्काशन गर्ने भएको छ। कम्पनीको वैशाख १५ गते बसेको संचालक समितिको बैठकले हाल कायम चुक्ता पुंजीको २ सय प्रतिशत हकप्रद निष्काशन गर्ने प्रस्ताव गरेको हो ।
कम्पनीले हाल कायम चुक्ता पुँजी असी करोड बराबरको १:२ को अनुपातमा १ अर्ब ६० करोड बराबरको हकप्रद शेयर निष्कासन गर्ने प्रस्ताव गरेको हो । विद्युत नियमन आयोगले पुर्व स्वीकृति, कम्पनीको आगामी साधारण सभाले अनुमोदन गरेपछि र नेपाल धितोपत्र बोर्डले स्वीकृति दिएपछि कम्पनीले हकप्रद निष्काशन गर्ने छ।
हकप्रदबाट प्राप्त हुने रकम गणेश हिमाल हाइड्रोपावर प्रा. लि. ले प्रवर्द्धन गर्न लागेको २० मे.वा क्षमताको आँखुखोला -२ जलविद्युत आयोजनामा स्वपुँजी ( Equity) को रुपमा लगानी गर्ने तथा बाँकी रकम बैकं तथा वित्तिय संस्थामा रहेको ऋण तथा अन्य दायित्व भुक्तानीको लागि उपयोग गर्ने कम्पनीले जनाएको छ ।
२० मे.वा क्षमताको आँखुखोला -२ जलविद्युत आयोजनामा कम्पनीले कम्तीमा ६० प्रतिशत लगानी गर्ने निर्णय यस अघि नै गरिसकेको छ ।
