चालु आर्थिक वर्ष २०७९/८० को तेस्रो त्रैमासमा नागरिक लगानी कोषको खुद नाफा २६.१५ प्रतिशतले बढेको छ । आर्थिक वर्ष ७८/७९ मा कम्पनीले ६१ करोड ६६ लाख खुद नाफा कमाएकोमा चालु आर्थिक वर्ष ७९/८० मा कम्पनीको खुद नाफा बढेर ७७ करोड ७९ लाख पुगेको छ ।
यस अवधिमा कम्पनी ब्याज आम्दानी १०६.७७ प्रतिशतले बढेर ३० करोड ५० लाख पुगेको छ । कम्पनी कुल आम्दानी २१.९४ प्रतिशतले बढेर १ अर्ब २५ करोड पुगेको छ ।
४ अर्ब २५ करोड १० लाख रुपैयाँ चुक्ता पूँजी रहेको कम्पनीको जगेडा कोषमा १६ अर्ब ८२ करोड रुपैयाँ रहेको छ। यस अवधिमा कम्पनीको प्रति शेयर आम्दानी २४ रुपैयाँ ४० पैसा रहेको छ भने प्रति शेयर नेटवर्थ २०१ रुपैयाँ ८७ पैसा रहेको छ ।
कम्पनीले दीर्घकालीन प्रकृतिको कोष सङ्कलन गर्ने भएकोले गर्दा सहभागीहरूको मासिक सङ्कलन रकमबाट दैनिक भुक्तानी दिने कार्य भएको हुँदा तरलता सहज भएको जनाएको छ । कम्पनीको मुख्य आम्दानीका रूपमा कोष सञ्चालन गरेका योजनाहरूबाट प्राप्त सेवा शुल्क, ब्याज आम्दानी तथा नगद लाभांश रहेको छ । कम्पनीले बन्दमुखी सामूहिक कोष योजना सञ्चालन गर्ने प्रक्रिया अगाडि बढाएको जनाएको छ ।