साताको तेस्रो दिन मंगलबार नेपाल स्टक एक्सचेञ्ज (नेप्से) ५१.३१ अंकले बढेर १९४२.६३ विन्दुमा पुगेको छ । सुचक बढेसँगै कारोबार रकममा पनि उच्च वृद्धि भएको छ ।
नेप्सेका अनुसार आज २७१ कम्पनीको २ अर्ब २० करोड २३ हजार रुपैयाँ बराबरको सेयर कारोबार भएको छ ।
सोमबार एक अर्ब २७ करोड ८७ लाख रुपैयाँ बराबरको कारोबार भएको थियो ।
आज सबैभन्दा बढी शिवम सिमेन्टको सेयर किनबेच भएको छ । कम्पनीको १० करोड ५ लाख रुपैयाँभन्दा बढीको सेयर किनबेच भएको हो ।
आज चार कम्पनीको शेयरमूल्यमा उच्च वृद्धि भएको छ । खप्तड लघुवित्त वित्तीय संस्था, कालिका लघुवित्त वित्तीय संस्था, र आत्मनिर्भर लघुवित्त वित्तीय संस्थाको शेयर मूल्यमा सकारात्मक सर्किट लागेको छ भने सामुदायिक लघुवित्त वित्तीय संस्थाको शेयरमूल्य पनि ९.९९ प्रतिशतले बढेको छ ।
