साताको पहिलो दिन आइतबार नेपाल स्टक एक्सचेञ्ज (नेप्से) १७.३८ अंकले घटेर १९४१.७४ विन्दुमा पुगेको छ । सुचक घटे पनि अघिल्लो कारोबारको तुलनामा कारोबार रकम भने निकै बढेको छ ।
नेप्सेका अनुसार आज २७० कम्पनीको दुई अर्ब ६३ करोड ९६ लाख रुपैयाँको सेयर किनबेच भएको छ । गतसाताको अन्तिम कारोबार दिन बुधबार नेप्सेमा एक अर्ब ८७ करोडको सेयर कारोबार भएको थियो ।
आज सबैभन्दा बढी शिवम सिमेन्टको सेयर किनबेच भएको छ । कम्पनीको २१ करोड ७९ लाख रुपैयाँभन्दा बढीको सेयर किनबेच भएको हो । त्यस्तै नेपाल दुरसञ्चार कम्पनीको ९ करोड १३ लाख रुपैयाँ बढीको सेयर कारोबार भएको हो ।
युनियन लाईफ इन्स्योरेन्स र आत्मनिर्भर लघुवित्त वित्तीय संस्थाको शेयर मूल्य १० प्रतिशतले बढेको छ ।
