युनिक नेपाल लघुवित्तले निष्काशन गरेको फर्दर पब्लिक अफरिङ (एफपिओ) बाँदफाँड मिति तय भएको छ । बिक्रि प्रबन्धक मुक्तिनाथ क्यापिटलले आगामी बिहिबार बिहान ९ बजे एफपिओ बाँडफाँड गर्ने तयारी गरेको हो ।
युनिक नेपालले जेठ ११ गतेदेखि जेठ १७ गतेसम्म एफपिओ निष्काशन गरेको थियो । कम्पनीले ३ करोड ७९ लाख ४२ हजार ५ सय रुपैयाँ बराबरको ३ लाख ७९ हजार ४ सय २५ कित्ता शेयर निष्काशन गरेको हो। साविकको युनिक नेपाल लघुवित्त वित्तीय संस्था र घोडीघोडा लघुवित्त वित्तीय संस्था मर्ज भई बनेको यस लघुवित्तमा संस्थापक र सर्वसाधारणको शेयर संरचना मिलाउन कम्पनीले एफपिओ निष्काशन गरेको हो।
कम्पनीमा संस्थापक र सर्वसाधारण शेयर हिस्सा ९४.०१ प्रतिशत र ५.९९ प्रतिशत रहेको छ । हाल ११ करोड ६ लाख ३२ हजार ५०० रुपैयाँ चुक्ता पूँजी रहेको यस लघुवित्तको एफपिओ जारीपश्चात चुक्ता पूँजी १४ करोड ८५ लाख ७५ हजार रुपैयाँ पुग्नेछ । त्यस्तै कम्पनीमा संस्थापक र सर्वसाधारणको शेयर स्वामित्व ७० प्रतिशत को ३० प्रतिशत रहनेछ ।
