साताको पहिलो कारोबार दिन नेपाल स्टक एक्सचेञ्ज (नेप्से) परिसूचक उच्च अंकले घटेको छ । आइतबार नेप्से परिसूचक २५.४१ अंकले घटेर २ हजार ६०९.६७ विन्दुमा बन्द भएको हो।
आज ३ अर्ब ९९ करोड ७९ लाख रुपैयाँ बराबरको ८० लाख २१ हजार कित्ता शेयर खरिद विक्री भएको छ ।
आज ४३ वटा कम्पनीको शेयर मूल्य बढेको छ भने १९४ वटा कम्पनीको शेयर मूल्य घटेको छ । ६ वटा कम्पनी शेयर मूल्य भने स्थिर रहेको छ ।
आज विन नेपाल लघुवित्त र सिन्धु विकास बैंकको शेयरमूल्यमा सकारात्मक सर्किट लागेको छ भने सर्वाधिक कारोबार एनआरएन इन्फ्रास्ट्रक्चर्स एण्ड डेभलपमेन्टको भएको छ । कम्पनीको २० करोड ४१ लाख रुपैयाँ बराबरको शेयर कारोबार भएको नेप्सेले जनाएको हो ।
.gif)
