साताको पहिलो कारोबार दिन आइतबार नेपाल स्टक एक्सचेञ्ज (नेप्से) परिसूचक दोहोरो अंकले घटेको छ। बुधबार १७.२८ अंकले बढेको बजार आज २१.६३ अंकले घटेर दुई हजार ७१४.८५ विन्दुमा बन्द भएको हो ।
आज कारोबार रकम पनि घटेको छ । नेप्सेमा १ करोड ३९ लाख कित्ता शेयर खरिद–बिक्री हुँदा ६ अर्ब ८३ करोड ६६ लाख रुपैयाँ बराबरको कारोबार भएको छ । आज बजारमा ३१ वटा कम्पनीको शेयर मूल्य बढेको छ भने २०७ वटा कम्पनीको शेयर मूल्य घटेको छ । त्यस्तै, ६ वटा कम्पनीको मूल्य स्थिर रहेको छ ।
आजको कारोबारमा सामुदायिक लघुवित्तको शेयरमूल्य ८.१९ प्रतिशतले बढेको छ भने सर्वाधिक कारोबार हिमालयन रि–इन्स्योरेन्सको भएको छ । कम्पनीको ५८ करोड ६६ लाख रुपैयाँ बराबरको शेयर कारोबार भएको नेप्सेले जनाएको छ ।
.gif)
.gif)
