साताको तेस्रो कारोबार दिन मंगलबार नेपाल स्टक एक्सचेञ्ज (नेप्से) परिसूचक सामान्य घटेको छ। सोमबार १०.१४ अंकले ओरालो लागेको बजार आज थप ७.६६ अंकले घटेर २ हजार ६९७.०४ विन्दुमा बन्द भएको हो।
आज कारोबार रकममा पनि गिरावट आएको छ। नेप्सेमा ८२ लाख ३७ हजार कित्ता शेयर खरिद–विक्री हुँदा ४ अर्ब ३४ करोड ६६ लाख रुपैयाँ बराबरको कारोबार भएको छ। बजारमा ८६ वटा कम्पनीको शेयर मूल्य बढ्दा १५२ वटा कम्पनीको मूल्य घटेको छ भने ५ वटा कम्पनीको मूल्य स्थिर रहेको छ।
मंगलबारको कारोबारमा मिथिला लघुवित्त वित्तीय संस्थाको शेयर मूल्य सर्किट लेभलमा बढेको छ । त्यस्तै, सर्वाधिक कारोबार भने हिमालयन रिइन्स्योरेन्सको भएको छ, जसको ३२ करोड ११ लाख रुपैयाँ बराबरको शेयर कारोबार भएको नेप्सेले जनाएको छ।
.gif)
.gif)
