सानिमा बैंकले गत आर्थिक बर्ष २ अर्ब २४ करोड खुद नाफा गरेको छ । आर्थिक बर्ष ७४/७५ मा बैंकले १ अर्ब ६९ करोड खुद नाफा गरेको गत आर्थिक बर्ष बैंकको नाफा ३२.१६ प्रतिशतले बढेको हो ।
बिजपाटी डटकमले बैंकले २ अर्ब १५ करोड खुद नाफा गर्ने प्रक्षेपण गरेको थियो ।
बैंकको वितरणयोग्य मुनाफा भने १ अर्ब ६२ करोड रहेको छ । यस हिसाबले बैंकले २० प्रतिशत सम्म लाभांश दिन सक्ने देखिन्छ । राष्ट्र बैंकले तोकेको व्यवस्था अनुरुपको रकम विनियोजन गरेपश्चात कायम हुने फ्रि प्रोफिट बैंकले शेयरधनीलाई लाभांश वितरणमा उपयोग गर्न सक्दछ। तर एनएफआरएस अनुसार केहि शिर्षकमा थप रकम व्यवस्था गर्नुपर्ने भएकाले लाभांश क्षमता घट्न सक्छ ।
हाल बैंकको चुक्ता पुंजी ८ अर्ब रहेको छ । ८९ अर्ब ३७ करोड निक्षेप संकलन गरेको बैंकको कर्जा लगानी ८१ अर्ब २४ करोड रहेको छ । यस अवधिमा बैंकको जगेडा कोष ३ अर्ब ८९ करोड रहेको छ। बैंकको ब्याज आम्दानी अधिल्लो बर्षको तुलनामा ३५.९७ प्रतिसतले बढेर ३ अर्ब १ करोड पुगेको छ ।
त्यस्तै बैंकको मूल्य आम्दानी अनुपात १२.४१ गुणा, प्रतिशेयर नेट वर्थ १४८.७३ रुपैयाँ, प्रति शेयर आम्दानी २८.०४ रुपैयाँ, आधार ब्याजदर ९.४५ प्रतिशत, कोषको लागत ७.३९ प्रतिशत , र सीसीडि ७७.९१ प्रतिशत रहेको छ ।
