अपर तामाकोशी जलविद्युत आयोजनाको नोक्सानी बढेर ६ करोड ९४ लाख पुगेको छ । आर्थिक वर्ष ७५/७६ सम्म ५ करोड ३१ लाख नोक्सानीमा रहेको कम्पनीको नोक्सानी आर्थिक वर्ष ७६/७७ सम्ममा झन्डै ७ करोड पुगेको हो ।
यस अवधिमा कम्पनीको दिर्घकालिन ऋण ३४ अर्ब ५० करोड रहेको छ । कम्पनीले दोलखामा ४५६ मेगावाट क्षमताको माथिल्लो तामाकोशी हाइड्रोपावर आयोजनाको निर्माण अन्तिम चरणमा पुर्याएको छ । २०७७ माघसम्म निर्माण सम्पन्न गरी बिजुली उत्पदन गर्ने लक्ष्य लिएको कम्पनीले कोभिड १९ को प्रभावको कारण सो समय लम्बिने जनाएको छ ।
कम्पनीले आयोजना निमार्णको अवधि र लागत बढ्ने, निमार्ण अवधिको ब्याज, डलर सटहीदर तथा भविष्यमा अन्यखर्चहरु बढ्ने भएकोले नाफा तथा नगद प्रवाह घट्ने कम्पनीको विश्लेषण रहेको छ ।
यस अवधिमा कम्पनीको प्रतिशेयर आम्दानी ६६ पैसा ऋणात्मक छ भने प्रतिशेयर नेटवर्थ ९३ रुपैयाँ ३२ पैसा रहेको छ । कम्पनीको चुक्ता पुँजी १० अर्ब ५९ करोड रहेको छ।
