चालु आर्थिक वर्षको दोस्रो त्रैमासमा चिलिमे हाइड्रो Chilime Hydropower Company को खुद नाफा १.०६ प्रतिशतले घटेको छ । अघिल्लो आर्थिक वर्षको यसै अवधिमा कम्पनीले ३९ करोड ६६ लाख खुद नाफा कमाएकोमा चालु आर्थिक वर्षको दोस्रो त्रैमासमा कम्पनीको नाफा घटेर ३९ करोड २४ लाख कायम भएको हो ।
यस अवधिमा कम्पनीले ६३ करोड ९९ लाख बराबर विद्युत बिक्रि गरेको छ । कम्पनीको अन्य स्रोतबाट भएको आम्दानी ५ करोड २३ लाख रहेको छ ।
६ अर्ब २८ करोड चुक्ता पुँजी रहेको कम्पनीको रिजर्भमा ३ अर्ब ५५ करोड रहेको छ । कम्पनीको प्रति शेयर आम्दानी १२ रुपैयाँ ५० पैसा, प्रति शेयर नेटवर्थ १५६.५३ रुपैयाँ र मूल्य आम्दानी अनुपात ४७.६९ गुणा रहेको छ।
