चालु आर्थिक वर्षको तेस्रो त्रैमासमा महालक्ष्मी विकास बैंक Mahalaxmi Bikas Bank Limited को खुद नाफा १.५७ प्रतिशतले बढेको छ । अघिल्लो आर्थिक वर्षको सोहि अवधिमा बैंकले ३९करोड ७३ लाख नाफा कमाएकोमा चालु आवको तेस्रो त्रैमासमा बैंकको नाफा बढेर ४० करोड ३६ लाख पुगेको हो ।
बैंकको खुद ब्याज आम्दानी २.६४ प्रतिशतले बढेर १ अर्ब १६ करोड पुगेको छ । यस अवधिमा कम्पनीको वितरणयोग्य मुनाफा २५ करोड ७६ लाख रहेको छ ।
समिक्षा अवधिमा बैंकको निक्षेप १.३८ प्रतिशतले घटेर ३६ अर्ब ४६ करोड पुगेको छ भने कर्जा प्रवाह १.१४ प्रतिशतले घटेर २९ अर्ब १० करोड पुगेको छ ।
३ अर्ब ३४ करोड चुक्ता पुँजी रहेको बैंकको रिजर्भमा १ अर्ब ८३ करोड रहेको छ । बैंकको खराब कर्जा भने ३.७८ प्रतिशतबाट बढेर ४.४४ प्रतिशत पुगेको छ । बैंकको प्रति शेयर आम्दानी १६.१० रुपैयाँ रहेको छ भने प्रति शेयर नेट वर्थ १५४.९० रुपैयाँ रहेको छ ।
