चालु आर्थिक वर्ष ७९/८० को तेस्रो त्रैमासमा फर्स्ट माइक्रोफाइनान्सको खुद नाफा १७.१२ प्रतिशतले बढेको छ । अघिल्लो आर्थिक वर्षको तेस्रो त्रैमासमा कम्पनीले १६ करोड ६१ लाख खुद नाफा कमाएकोमा चालु आर्थिक वर्षमा कम्पनी खुद नाफा बढेर १९ करोड ४५ लाख पुगेको छ।
यस अवधिमा कम्पनीको खुद ब्याज आम्दानी ३.४२ प्रतिशतले बढेर ३१ करोड ७६ लाख पुगेको छ भने कुल संचालन मुनाफा १०.६८ प्रतिशतले बढेर २७ करोड ७९ लाख पुगेको छ। यस अवधिमा कम्पनीको वितरणयोग्य मुनाफा १६ करोड ६८ रहेको छ । कम्पनीले इम्पेरमेन्ट चार्जको लागि छुट्याएको रकम भने ६३.४८ प्रतिशतले घटेर १ करोड ५८ लाख मात्र कायम रहेको छ ।
यस अवधिमा कम्पनीको सापटी १७.६४ प्रतिशतले घटेर ७ अर्ब ७८ करोड कायम भएको छ । कम्पनीको कर्जा प्रवाह पनि १४.१४ प्रतिशतले घटेर ८ अर्ब ९२ करोड पुगेको छ ।
१ अर्ब १४ करोड चुक्ता पुँजी रहेको कम्पनीको रिजर्भ ४३ करोड ३० लाख रहेको छ । समीक्षा अवधिमा कम्पनीको खराब कर्जा ०.४७ प्रतिशत पुगेको छ। कम्पनीको प्रति शेयर आम्दानी भने घटेर २२.६० रुपैयाँ कायम भएको छ भने प्रति शेयर नेटवर्थ १३७.३७ रुपैयाँ रहेको छ ।