वाणिज्य बैंकहरुले चालु आर्थिक वर्ष ७९/८० तेस्रो त्रैमासको अपरिस्कृत वित्तीय विवरण प्रकाशन गरेका छन् । त्रैमास समाप्त भएको ७ दिन भित्र वित्तिय विवरण प्रकाशन गर्नु पर्ने राष्ट्र बैंकको व्यवस्था अनुसार २१ वटै वाणिज्य बैंकहरुले आज वित्तीय विवरण प्रकाशन गरेका हुन् ।विवरण अनुसार कुल २१ बैंक मध्ये ७ वटा बैंकको नाफा घटेको छ भने बाँकि १४ बैंकको खुद नाफा भने बढेको छ ।
प्रतिशतको आधारमा नाफा बढ्नेमा एभरेष्ट बैंक अगाडी
प्रतिशतको आधारमा नाफा बढ्नेमा एभरेष्ट बैंक अगाडी रहेको छ । बैंकको खुद नाफा ६२.६३ प्रतिशतले बढेर २ अर्ब ४६ करोड पुगेको छ । अघिल्लो आर्थिक वर्षको यसै अवधिमा बैंकको खुद नाफा १ अर्ब ५१ करोड थियो ।
एभरेष्टपछि स्ट्याण्डर्ड चार्टर्ड बैंकको नाफा ६०.२५ प्रतिशत, नबिल बैंकको नाफा ५२.६३ प्रतिशत, लक्ष्मी बैंकको ४७.३१ प्रतिशत तथा नेपाल एसबिआई बैंकको नाफा ३८.७१ प्रतिशत बढेको छ ।
अंकमा नबिल अगाडी
अंकको आधारमा भने नबिल बैंक अगाडी रहेको छ । नबिल बैंकले यस अवधिमा ५ अर्ब ११ करोड नाफा कमाएको छ । त्यस्तै ग्लोबल आईएमई बैंकले ४ अर्ब ३५ करोड, एनआईसी एसियाले ४ अर्ब १ करोड तथा राष्ट्रिय वाणिज्य बैंकले ३ अर्ब ५७ करोड नाफा कमाएको छ ।
७ वटा बैंकको नाफा घट्यो
प्रकाशित विवरण अनुसार ७ वटा बैंकको खुद नाफा घटेको छ । जस मध्ये कृषि विकास बैंकको नाफा सर्वाधिक ४५.३६ प्रतिशतले घटेको छ भने सिद्धार्थ बैंकको नाफा २८.६५ प्रतिशतले घटेको छ ।
बैंकको कुल नाफा
यस अवधिमा बैंकहरुको कुल नाफा नाफा ४८ अर्ब ७० करोड रहेको छ ।
हेर्नुस् नाफा विवरण
