.gif)
माछापुछ्रे बैंकले अघिल्लो आर्थिक वर्षको तुलनामा खुद मुनाफा घटेको अप्रस्कृत वित्तिय विवरण सार्वजनिक गरेको छ। अघिल्लो आर्थिक वर्ष १ अर्ब ६२ करोड खुद मुनाफा गरेको माछापुछ्रेले गत आर्थिक वर्ष १ अर्ब २५ करोड खुद मुनाफा आर्जन गरेको छ।
बैंकले १ अर्ब २५ करोड खुद मुनाफा आर्जन गर्दा शेयरधनीलाई वितरणयोग्य मुनाफा भने ४६ करोड ६६ लाख रहेको छ। रिजर्भमा २५ करोड र संस्थागत सामाजिक उत्तर दायित्वको लागि १ करोड छुट्याउदा तथा उठ्न नसकेको सावाँ ब्याजको लागि प्रोभिजन गर्नुपर्दा बैंकको वितरणयोग्य प्रभावित भएको देखिन्छ।
जस कारण गत आर्थिक वर्षको वितरणयोग्य मुनाफाबाट बैंकले ४ दशमलब ०१ प्रतिशत लाभांश दिन सक्नेछ। अघिल्लो आर्थिक वर्ष बैंकको लाभांश क्षमता १४ दशमलब १२ प्रतिशत थियो। त्यस्तै गत आर्थिक वर्ष बैंकको आधार दर १० दशमलब ७४ प्रतिशतबाट घटेर ८ दशमलब २६ प्रतिशतमा झरेको छ। यसले बैंकका ऋणीलाई ब्याजमा धेरै राहत मिल्ने देखिन्छ।
