.gif)
नेपाल इन्भेष्टमेन्ट मेगा बैंक चालू आर्थिक वर्षको पहिलो त्रैमासमा १ अर्ब ४६ करोड खुद मुनाफा आर्जन गरेको छ। जुन गत आर्थिक वर्षको यस अवधिसंगको तुलनामा करिब ४ प्रतिशतले कम हो।
यस अवधिमा बैंकको चुक्तापूंजी ३४ अर्ब १२ करोड रहेको छ भने रिजर्भमा ३१ अर्ब २९ करोड छ। त्यस्तै यस अवधिमा बैंकको रिटेन अर्निग नेगेटिभ २ करोड ५१ लाख रहेको छ।
यस अवधिमा बैंकको निक्षेप ४ खर्ब ३३ अर्ब पुगेको छ भने कर्जा प्रवाह ३ खर्ब २४ अर्ब पुगेको छ। त्यस्तै बैकको मुख्य आम्दानीको रुपमा लिईने खुद ब्याज आम्दानी करिब ७ प्रतिशतले घटेर ३ खर्ब ८७ अर्बमा सिमित भएको छ।
यस अवधिमा बैंकको संस्थागत खर्च करिब १ अर्ब पुगेको छ भने इम्पेयरमेन्ट चार्ज ५२ प्रतिशतले बढेर ९७ अर्ब ५१ करोड पुगेको छ।
यस अवधिमा बैंकको प्रति शेयर आम्दानी १७ रुपैयाँ १६ पैसा, प्रति शेयर नेटवर्थ १८४ रुपैयाँ ३३ पैसा, र खराब कर्जा अनुपात ५ दशमलब २० प्रतिशत रहेको छ। बैंकको वितरणयोग्य मुनाफा १ अर्ब ५१ करोड रहेको छ।
