.gif)
म्यूजिक नेपाल लिमिटेडले हकप्रद शेयर निष्कासन गर्ने भएको छ ।
कम्पनीले बुधवार सार्वजनिक सूचना प्रकाशित गर्दै तत्काल कायम रहेको शेयरधनीका लागि प्रतिशेयर १०० रुपैयाँ अंकित मूल्यमा ३ लाख २७ हजार ३४७ कित्ता हकप्रद साधारण शेयर जारी गर्न लागेको हो ।
कम्पनीले हाल कायम सम्पूर्ण शेयरधनीहरुलाई जानकारीको लागि कम्पनी ऐन, २०६३ को दफा ५६(७) बमोजिम १५ दिने सूचना प्रकाशित गरिएको बताएको छ ।
निजीस्तरको पहिलो सङ्गीत उद्योग म्यूजिक नेपाल पहिलो पटक लिमिटेड कम्पनीको रुपमा रहेको छ । २०३९ साल साउन २४ गते स्थापना भएको म्यूजिक नेपालले शुरुवाती दिनहरूमा गीत रेकर्डिङ गरेर श्रव्य एल्बमहरू प्रकाशन गर्दै नेपाली सङ्गीतको व्यावसायीकरण गर्न थालेको हो ।
नेपाली सङ्गीत उत्पादन र प्रकाशनमा झन्डै चार दशक लामो यात्रा गरिरहेको उक्त कम्पनीले निकट भविष्यमा नै आईपीओ निष्कासन गर्ने योजनाका साथ काम भइरहेको बताएको छ ।
कम्पनीले आईपीओ निष्कासन गर्ने सम्बन्धमा एनआईसी एशिया क्यापिटललाईनिष्कासन तथा बिक्री प्रवन्धकमा यसअघि नै नियुक्ति गरिसकेको छ ।
कम्पनीको रजिष्टर्ड कार्यालय काठमाडौ महानगरपालिका- २९, अनामनगरमा छ ।
