टेलिभिजन प्रस्तोता रवि लामिछानेसहित तीन जनालाई पुर्पक्षका लागि थुनामा राख्न सरकारको तर्फबाट निवेदन परेको छ । पत्रकार शालिकराम पुडासैनी आत्महत्या प्रकारणमामा उनीहरुलाई थुनामा राखेर थप अनुसन्धान गर्न माग गर्दै उच्च अदालत पाटनको हेटौँडा इजलासमा निवेदन दर्ता भएको हो ।
सोमबार सरकारी वकिल कार्यालयले निवेदन दर्ता गराएको हो । निवेदनमा जिल्ला अदालतको आदेशलाई बदर गरी उनीहरुलाई पुर्पक्षका लागि थुनामा पठाउन माग गरिएको छ । सो निवेदनको प्रारम्भिक सुनावाई मंगलबार तोकिएको छ ।
निवेदनमा लामिछाने सहित युवराज कँडेल र अस्मिता भनिने रुकु कार्कीलाई थुनामा पठाउन माग भएको हो । यस अघि जिल्ला अदालत चितवनले कार्कीलाई साधारण तारेखमा, लामिछाने र कँडेललाई धरौटीमा रिहा गर्ने आदेश दिएको थियो ।
रवी लामिछानेले पनि बिना धरौटी रिहा गर्न माग गर्दै पुनरावेदन दिएका छन् ।