काठमाडौंस्थित त्रिभुवन विमानस्थलमा विमान अवतरण बन्द भएको छ । लगातारको वर्षाले मौसम बिग्रिएपछि भिजिविलिटी कम हुँदा उडान अवतरण बन्द भएको हो ।
विमानस्थलमा अवतरण बन्द भएपछि दिल्लीबाट आएका नेपाल एयरलाइन्स र इण्डिगोका जहाजहरु आकाश मै घुमिरहेका छन् । त्यस्तै थाइल्याण्डबाट आएको जहाज पनि घुमिरहेको छ । आन्तरिक उडानका जहाजहरु पनि होल्डमै रहेका छन् । उडान अबरुद्द हुँदा सयौ यात्रुहरु अलपत्र परेका छन् ।
विमानस्थलबाट हुने उडान भने रोकिएको छैन ।
