प्रधानमन्त्री केपी शर्मा ओलीले बिहीबार संघीय संसदका दुवै सदनबाट देशवासीका नाममा गर्ने भनिएको सम्बोधन रोकिएको छ । संविधान दिवसको अवसरमा आयोजना हुने कार्यक्रमबाटै प्रधानमन्त्रीले भोली शुक्रबार देशवासीका नाममा सम्बोधन गर्ने कार्यक्रम तय भएकोले बिहीबारको सम्बोधन रोकिएको हो ।
प्रधानमन्त्री ओलीका प्रेस सल्लाहकार चेतन अधिकारीका अनुसार प्रधानमन्त्रीले भोली शुक्रबार संविधान दिवसकै दिन देशवासीका नाममा नै सम्बोधन गर्नेछन् ।
प्रधानमन्त्री ओलीले बिहीबार प्रतिनिधिसभा र राष्ट्रियसभामा सम्बोधन गर्ने, सांसदका प्रश्नको जवाफ दिने कार्यक्रम थियो।