संविधान दिवसको अवसरमा राजधानीको टुँडिखेलमा आयोजित कार्यक्रममा सहभागी हुन पुगेका सर्वसाधरण बाहिरैबाट लखेटिएका छन् । कार्यक्रम स्थलमा प्रवेश नपाएपछि पर्खाल बाहिरबाटै कार्यक्रम हेरिरहेका सर्वसाधरणलाई सुरक्षाकर्मीले हटाएका हुन् ।
संविधान दिवसमा हर्षोल्लास गर्न भनेर सरकारले उर्दी जारी गरेपनि कार्यक्रमस्थलमा प्रवेश नदिएको र बाहिरैबाट हेरिरहेकालाई पनि हटाएको भन्दै उनीहरुले दुख व्यक्त गरेका छन् । सर्वसाधरणलाई मुख्य कार्यक्रम हेर्न रोकेपछि टुँडिखेल पुगेका सर्वसाधरण सरकारप्रति रुष्ट देखिएका थिए ।