नेपाल आयल निगमले खाना पकाउने ग्यासमा तोकिएको मूल्य भन्दा बढी लिए कारवाही गर्ने बताएको छ । असोज ३ गते मूल्य घटाएपछि अनुगमनको क्रममा बढी मूल्य लिएको पाईएपछि निगमले बढी मूल्य नलिन सबैलाई सचेत गराएको हो ।
निगमले गत शुक्रबार राति १२ बजेदेखि लागु हुने गरि प्रति सिलिण्डर २५ रुपैयाँ मूल्य घटाएको थियो । मूल्य घटेपछि अब खाना पकाउने ग्यासको मूल्य प्रति सिलिण्डर काठमाडौँ उपत्यका लगायत्का पहाडी जिल्लामा १३५० पर्ने निगमले जनाएको छ । त्यस्तै दांङ, बाँके, बर्दिया, कैलाली, र कन्चनपुरमा प्रति सिलिण्डर १३१५ र अन्य तराइ क्षेत्रमा १३३० पर्ने छ । 
