काठमाडौँमा मासुको प्रयोजनका लागि तराईबाट ल्याइएको राँगो फुत्केर बितण्डा मच्चाएपछि प्रहरीले गोली हानेर मारेको छ । आज बिहान करिब ४ बजेतिर स्वयम्भू क्षेत्रबाट फुत्केर मान्छेलाई हान्दै न्युरोडसम्म आइपुगेको राँगोलाई प्रहरीले गोली हानेर मारेको हो । महानगरीय प्रहरी परिसर काठमाडौंका अनुसार करिब ६ः३० बजेतिर न्युरोड पुगेको राँगोलाई गोली हानिएको हो ।
महानगरीय प्रहरी बृत्त जनसेवाका प्रहरी नायब उपरीक्षक बासुदेव खतिवडाका अनुसार राँगोले हानेर ३ जनालाई घाइते बनाएको छ । उनीहरुको बीर अस्पतालमा उपचार भईरहेको छ । राँगाले एउटा ट्याक्सीमा समेत क्षति पुर्याएको छ ।
स्वयम्भूबाट भागेको राँगो कालिमाटी आइपुगेपछि स्थानीयले प्रहरीलाई खबर गरेका थिए ।