भरतपुर महानगरपालिकाकी मेयर रेणु दाहाललाई सामाजिक सञ्जालमा गालीगलौज गर्ने विरुद्ध भरतपुर महानगरपालिकाले जाहेरी दर्ता गरेको छ । मेयर दाहालको चरित्र हत्या हुने गरी फेसबुकमा अश्लील पोष्ट गर्ने, श्रब्यदृश्य र स्टाटस राख्नेविरुद्ध महानगरले जाहेरी दिएको हो ।
महानगरपालिकाले जिल्ला प्रहरी कार्यालय चितवनमार्फत गृह मन्त्रालय र प्रहरी मुख्यालयमा साइबर क्राइमको जाहेरी दिएको हो । मेयर दाहालका प्रेस सल्लाहकार सुरेशचन्द्र अधिकारीका अनुसार शनिबार चितवनमा ज्ञानेन्द्र शाहीमाथिको आक्रमणपछि सामाजिक सञ्जालमा दाहालमाथि चरित्र हत्या हुने गरी प्रचार भएपछि जाहेरी दर्ता भएको हो ।
