बेलायतमा सम्पन्न संयुक्त सैन्य अभ्यास ‘क्याब्रियन पट्रोल–२०१९’ मा नेपाली सेनाले स्वर्ण पदक जितेको छ । प्रमुख सेनानी अशिम देव गुरुङ नेतृत्वमा असोज ६ गते गएको टोलीले स्वर्ण पदक पाएको हो ।
असोज २४ गतेबाट वेल्स, ब्रेकनमा भएको अभ्यासमा नेपालसहित ३४ देश र बेलायती फौजका १०६ गरी १४० सैन्य टोली सहभागी थिए । नेपाली सेनाका प्रवक्ता विज्ञानदेव पाण्डेका अनुसार नेपाली टोलीमा विशेष फौज बाहिनी, श्री पशुपतिप्रसाद गण र गौरीबक्स गुल्मका सदस्यहरु सहभागी थिए । नेपाली सेनाले यो अभ्यासमा सन् २०१४ बाट भाग लिँदै आएको छ ।