पशुपति आर्यघाटका कामदारहरु आन्दोलनमा उत्रिएका छन् । आफूहरूका माग पूरा नभएसम्म पशुपतिमा दाहसंस्कार गर्ने काम बन्द गर्ने कामदारले चेतावनी दिएका छन् ।
घाट सेवा केन्द्रका सम्पूर्ण कामदारका नाममा एउटा ब्यानर सूचना जारी गर्दै उनीहरूले बुधबारदेखि शव दाह गर्ने, दाउरा बोक्ने र खाल्डो खन्ने काम बन्द गर्ने चेतावनी दिएका हुन् ।
एउटा शव जलाएबापत कामदारले १२ सय रुपैयाँ पाउँदै आएका छन् । उनीहरुले यसलाई २ हजार पुर्याउन माग गरेका छन् । यसवापत घाटमा १५ वर्ष काम गर्ने कामदारले २ लाख उपदान पाउदै आएका छन् । उनीहरुले यसलाई बढाएर १० लाख रुपैयाँ पुर्याउन माग गरेका छन् ।