ब्राजिल कोपा अमेरिकाको फाइनलमा पुगेको छ । पेरुमाथि १–० को जित निकाल्दै साविक विजेता ब्राजिल कोपा अमेरिकाको फाइनलमा प्रवेश गरेको हो ।
खेलको ३५ औं मिनेटमा नेइमारको ब्याकपासमा लुकास पाकेस्टाले गरेको एक गोल निर्णायक बन्यो । दोस्रो हाफमा पेरुले अधिकांश समय बल नियन्त्रणमा लिएपनि गोल गर्न सकेन ।
दोस्रो सेमिफाइनलमा भोली बिहान अर्जेन्टिना र कोलम्बिया भिड्दैछन् ।
साविक बिजेता ब्राजिलले अब रियो दि जेनेरियोको मराकाना रंगशालामा हुने फाइनल खेलमा अर्जेन्टिना र कोलम्बिया बीचको खेलको विजेतासँग खेल्नेछ । फाइनल खेल जुलाई १० मा हुनेछ ।
