अर्जेन्टिना कोपा अमेरिका फुटबल प्रतियोगीताको फाइनलमा प्रवेश गरेको छ । आज बिहान भएको सेमिफाइनल खेलमा कोलम्बियालाई पेनाल्टी सुटआउटमा हराउँदै अर्जेन्टिना फाइनलमा प्रवेश गरेको हो ।
प्रमुख उपाधि दाबेदार मानिएको अर्जेन्टिनाले कोलम्बियामाथि पेनाल्टी सुटआउटमा ३–२ अन्तरमा जित निकालेको हो ।
निर्धारित समयमा १–१ को बराबरी भएपछि खेल सोझै पेनाल्टी सुटआउटमा धकेलिएको थियो । कोपाको नियम अनुसार ९० मिनेटको निर्धारित समयमा हार–जित नभएपछि खेल अतिरिक्त समय नथपी सोझै पेनाल्टी सुटआउटमा जाने नियम थियो ।
अर्जेन्टिनी गोलकिपर मार्टिनेजले कोलम्बियाका खेलाडीले प्रहार गरेका ३ वटा पेनाल्टी बचाएपछि अर्जेन्टिना फाइनल पुग्न सफल भएको हो ।