राष्ट्रिय खेलकुद परिषद (राखेप)को सदस्य सचिवमा नियुक्त भएका टंकलाल घिसिङले पद तथा गोपनीयताको सपथ ग्रहण गरेका छन् । उनलाई युवा तथा खेलकुद मन्त्री महेश्वरजंग गहतराजले पद तथा गोपनीयताको सपथ ग्रहण गराएका हुन् ।
सपथ लिएसँगै सदस्य सचिव घिसिङले त्रिपुरेश्वरस्थित परिषदको कार्यालयमा पुगेर पदभार पनि ग्रहण गरेका छन् । उनले राष्ट्रिय खेलाडीको बीमा र टोलीको सुधारमा आफ्नो जोड रहने बताएका छन् ।
सोमबारको मन्त्रिपरिषद बैठकले घिसिङलाई ४ वर्षको लागि राखेपको सदस्य सचिवमा नियुक्त गर्ने निर्णय गरेको थियो ।
रामेछापका बासिन्दा घिसिङ नेकपा माओवादी केन्द्रको बागमती प्रदेश कमिटीका सचिवालय सदस्य समेत हुन् ।