नेपाली राष्ट्रिय टिमका युवा ब्याटर रोहित पौडेलले पपुवा न्युगिनीसँगको पहिलो ओडिआई खेलमा सानदार शतक प्रहार गरेका छन् । रोहितले ९१ बलमा आफ्नो करिअरकै पहिलो अन्तराष्ट्रिय शतक प्रहार गरेका हुन् ।
रोहितले ९१ बलमा ७ चौका र २ छक्कासहित १ सय बनाएका हुन् । उनले १०७ बलमा १२६ रन बनाएर आउट भएका छन् । रोहित नेपालबाट ओडिआईमा शतक प्रहार गर्ने दोस्रो खेलाडी हुन् ।
यसअघि २०१९ मा पारस खड्काले युएईविरुद्ध तेस्रो ओडिआई खेलमा ११५ रनको शतकीय इनिङ खेलेका थिए ।
पाँचौं विकेटका लागि आरिफ र रोहितले १०४ रनको शतकीय साझेदारी गरे । जुन ओडिआईमा नेपालको कुनैपनि विकेटका लागि भएको सर्वाधिक ठूलो साझेदारी हो ।
