तेस्रो टी–२० अन्तराष्ट्रिय क्रिकेटमा नेपालले केन्यालाई ४ विकेटले हराएको छ । केन्याले दिएको १५७ रनको लक्ष्य नेपालले १९ ओभर ३ बलमा ६ विकेट गुमाएर भेट्टाएको हो ।
नेपालका लागि ज्ञानेन्द्र मल्लले ४६, अर्जुन साउदले ३५, रोहित पौडेलले २९, पवन सरार्फले २० र आदिल अन्सारीले १६ रन बनाए ।
टस जितेर ब्याटिङ गरेको केन्याले २० ओभरमा २ विकेट मात्रै गुमाएर १५६ रन बनाएको थियो । बलिङतर्फ नेपालका सोमपाल कामी र आदिल अन्सारीले १–१ विकेट लिए ।
यो जितसँगै पाँच खेलको टी–२० श्रृङ्खलामा नेपालले २–१ को अग्रता लिएको छ ।
नेपाल र केन्याले यसपछि ३ खेलको एकदिवसीय क्रिकेट पनि खेल्ने छन् ।