परिचित प्रतिद्वन्द्वी भारतलाई हराउँदै नेपाल छैठौँ साफ महिला च्याम्पियनसिपको फाइनलमा प्रवेश गरेको छ । दशरथ रंगशालामा भएको दोस्रो सेमिफाइनलमा नेपालले भारतमाथि १–० को जित दर्ता गरेको हो ।
नेपालका लागि रश्मीकुमारी घिसिङले गरेको गोल नै निर्णायक बन्यो । नेपालले पहिलो हाफको इन्ज्युरी समयमा गोल गर्दै अग्रता लिएको थियो । रश्मीकुमारी घिसिङले प्रिती राईको क्रस पासमा गोल गरिन् ।
यसअघि पहिलो सेमिफाइनलमा भुटानलाई हराउँदै बंगलादेश फाइनलमा पुगिसकेको छ ।
