नेपाली क्रिकेटको राष्ट्रिय टोलीका निलम्बित
कप्तान सन्दीप लामिछानेलाई प्रहरीले पक्राउ गरेको छ । कतार एयरवेजको विमानबाट आज
बिहान त्रिभुवन अन्तर्राष्ट्रिय विमानस्थलमा ओर्लिएलगत्तै उनलाई पक्राउ गरिएको हो
।
केही दिन अघि उनले सामाजिक सञ्जाल मार्फत आफु असोज २० गते नेपाल आउन लागेको बताउदै, आफु
निर्दोष रहेको र नेपाल आएपछि कानुनी लडाई लड्ने बताएका थिए । उनले नेपालको न्याय प्रणालीमा
आफुलाई पुर्ण भरोषा र विश्वास रहेको बताउदै आफुले छिट्टै न्याय पाउने आशा राखेको
बताएका थिए ।
त्रिभुवन
अन्तर्राष्ट्रिय विमानस्थलमा बिहान १० बजे नै ओर्लिने भने पनि खराब मौसमका कारण
विमान अवतरण गर्न नसक्दा केहीबेर ढिलाइ भएको थियो । दोहाबाट काठमाडौं आएको उनी
सवार कतार एयरवेजको जहाजले केहीबेर आकाशमा फन्को मारेको थियो ।