पाकिस्तानसँगको अन्तराष्ट्रिय मैत्रीपूर्ण खेलमा नेपालले जित निकालेको छ । फरवार्ड अन्जन विष्टको गोलमा नेपालले घरेलु मैदानमा जित निकालेको हो ।
त्रिपुरेश्वस्थित दशरथ रंगशालामा बुधबार भएको खेलमा नेपालले १–० ले जित हात पारेको हो । खेलमा भएको एक मात्र गोल दोस्रो हाफमा भएको हो ।
खेलको ८३औं मिनेटमा अन्जनले सुनिल बलको क्रस पासलाई सदुपयोग गर्दै गोल गरेका हुन् । उनको यो ११औं अन्तराष्ट्रिय गोल हो ।