विश्वकप लिग–२ अन्तर्गत त्रिदेशीय एकदिवसीय शृङ्खलामा नेपालले घरेलु टोली नामिबियालाई १९८ रनको लक्ष्य दिएको छ ।
वान्डेरेर्स क्रिकेट मैदानमा टस हारेर पहिले ब्याटिङ गरेको नेपालले ४९ ओभर ५ बलमा सबै विकेट गुमाएर १९७ रन बनायो । नेपालका लागि ज्ञानेन्द्र मल्लले ७५ रन बनाए । यस्तै आरिफ शेखले २३ र आसिफ शेखले २० रन बनाए ।
आजको अर्धशतकसँगै ज्ञानेन्द्र नेपालबाट एकदिवसीयमा ६ अर्धशतक बनाउने पहिलो खेलाडी बनेका छन् । उनीपछि आसिफ शेख र रोहित पौडेलको नाममा समान ५÷५ अर्धशतक छन् ।
यो शृङ्खलामा घरेलु टोली नामिबियासहित नेपाल र स्कटल्यान्ड सहभागी छन् ।
नेपालले आइतबार स्कटल्यान्डसँग, २१ गते बुधवार पुनः नामिबियासँग र २२ गते बिहीबार स्कटल्यान्डसँग खेल्नेछ ।
७ वटा देश सहभागी लिग–२ को शीर्ष ३ देश विश्वकप छनोटमा पुग्नेछन् भने शीर्ष ५ देशले एकदिवसीय मान्यता कायम गर्नेछन् ।
नेपाल २० खेलमा १७ अङ्कका साथ छैठौँ स्थानमा छ । नेपालले १६ वटा खेल खेल्न बाँकी छ ।