सरकारले इन्टरनेटमा आउने नकारात्मक सामग्री रोक्न नयाँ प्रविधि जडान गर्ने भएको छ । पछिल्लो समय नेपालमा प्रतिबन्ध लगाईएको सामग्रीहरु इन्टरनेको माध्यमबाट प्रशारण हुनथालेपछि सरकारले त्यस्ता सामग्री ब्लक गर्न लागेको हो ।
नियामक निकायको रुपमा रहेको नेपाल दुरसञ्चार प्राधिकरणले एक अर्ब लगानीमा इन्टरनेटमा आउने सामग्री (कन्टेन्ट) फिल्टरिङ गर्ने सिस्टम जडानको तयारी गरेको हो । प्राधिकरणको वार्षिक कार्यक्रम अनुसार फागुन महिनाभित्र नै उक्त सिस्टम जडान गरीसक्ने गरी आवश्यक तयारी भएको जनाईएको छ । प्राधिकरणका प्रवक्ता मीनप्रसाद अर्याल संबैधानिक व्यवस्था अनुसार नै उक्त सामग्रीहरु प्रकाशन÷प्रशारणमा रोक लगाईने बताउँछन् ।
उक्त सिस्टम जडान गर्न आवश्यक मोडालिटी, लागतका सम्बन्धमा प्राधिकरणले गृहकार्य गरिरहेको जनाईएको छ । प्राधिकरणले हाल नेपालमा विभिन्न नाकाबाट भित्रने व्यान्डविथको ट्राफिकको अध्ययन गरिरहेकोले इन्टरनेटमा आउने सामग्री नियन्त्रण गर्ने सहज हुने जनाएको छ ।