इन्टरनेट, टेलिफोन र केबल टिभी सेवा प्रदायकमाथि नेपाल विद्युत प्राधिकरण फेरि खनिएको छ । तत्काल पोल भाडा सम्झौता गर्न आउन प्राधिकरणले सेवा प्रदायकहरुलाई ताकेता गरेको हो ।
प्राधिकरणले आफ्ना पोल प्रयोग गरेर भाडा नतिरेको भन्दै फोन, इन्टरनेट र केबल टिभी सेवा प्रदायकहरुलाई बक्यौता बुझाउन र नयाँ सम्झौता गर्न भनेको छ । बुधबार सूचना प्रकाशित गर्दै प्राधिकरणले अधिकांश सेवा प्रदायकहरुले पोलभाडा सम्झौता नगरी आफ्ना संरचनाहरु प्रयोग गरिरहेको भन्दै सम्झौता गर्न, नवीकरण गर्न वा हालसम्म बाँकी बक्यौता रकम भुक्तानी गर्न भनेको छ ।
प्राधिकरणले नयाँ सम्झौता नभएसम्म नयाँ लाइन विस्तारको काम नगर्न पनि दोहोर्याएको छ ।
सम्झौता नगर्ने सेवा प्रदायकहरुले लाइन विस्तार गरेको पाइए लाइन विस्तारमा प्रयोग गगरिएका सामाग्री नै नियन्त्रणमा लिने चेतावनी प्राधिकरणले दिएको छ । प्राधिकरणले सेवा प्रदायकलाई अटेर गरे जुसुकै बेला तार काट्न सक्ने र त्यसबाट उत्पन्न हुने परिणामको जिम्मेवार सम्बन्धित सेवा प्रदायक नै हुने चेतावनी दिएको छ ।
